अचम्म संसार
Monday, 6 May, 2024
जनकपुरमा दिनदहाडै लुटियो ८० लाख
काठमाडौं– धनुषाको जनकपुरधामस्थित एक सहकारी संस्थाका कर्मचारीबाट दिनदहाडै ८० लाख रुपैयाँ लुटिएको छ। आज दिउँसो शुभश्री बचत तथा ऋण सहकारी संस्था मैनाथपुरमा कार्यरत वीरेन्द्रकुमार महतोलाई पेस्तोल देखाएर तीन जनाले ८० लाख लुटेको जिल्ला प्रहरी कार्यालय धनुषाका प्रहरी नायब उपरीक्षक रञ्जन आबाले बताएका हुन्।
जनकपुरधामको भानुचोकमा रहेको राष्ट्रिय सहकारी बैंकबाट रकम झिकेर सहकारीतर्फ जाँदै गर्दा जनकपुरधाम उपमहानगर–१९ मा महतोका साथमा रहेको सो रकम लुटिएको र जानकारी प्राप्त भएलगत्तै प्रहरी घटनास्थल पुगेर लुटेराको खोजी भइरहेको जानकारी दिए।
