आजको पत्रपत्रीकाबाट
Wednesday, 24 Jan, 2024
सम्पर्कविहीन २४ प्रहरीलाई एक साताभित्र हाजिर हुन निर्देशन
काठमाडौं– प्रहरी मुख्यालय नक्सालले महिना बढी समयदेखि कार्यालयमा अनुपस्थित २४ प्रहरीलाई सात दिनभित्र सम्पर्कमा आउन निर्देशन दिएको छ।
प्रहरी महनिरीक्षकको सचिवालयले सूचना जारी गर्दै ३ जना प्रहरी सहायक निरीक्षक (असई) हवलदार, ३ जना प्रहरी सहायक हवलदार र १८ जना प्रहरी जवान एक महिना बढी समयदेखि अनुपस्थित रहेकाले साता दिनभित्र हाजिर हुन निर्देशन दिएको हो।
उनीहरूको खोजतलास गर्दा पनि सम्पर्कमा नआएकाले प्रहरी प्रधान कार्यालयले सात दिनभित्र स्पष्टीकरणसहित सम्पर्कमा आउन निर्देशन दिँदै सूचना जारी गरेको हो।
सात दिनभित्र सम्पर्कमा नआए सेवाबाट हटाइने चेतावनी दिइएको छ।
