आजको पत्रपत्रीकाबाट
Thursday, 30 Nov, 2017
मतदान गर्ने घटे
मंसिर १४, २०७४-जिल्लामा प्रतिनिधिसभा र प्रदेशसभा निर्वाचनमा ६८ हजारभन्दा बढी मतदाता मतदानमै सहभागी नरहेको पाइएको छ । २ लाख ८ हजार १ सय ९१ मतदाता रहेकामा १ लाख ३९ हजार ७ सय ६१ मत मात्र खसेको हो ।
०६४ र ०७० को निर्वाचनका तुलनामा सहभागिता घटेको देखिएको छ । धेरैजसो मतदाता काठमाडौं बस्ने गरेको र सरकारले त्यहाँ बिदा नदिएकाले मतदानमा नआएको क्षेत्र नम्बर १ का प्रतिनिधिसभा उम्मेदवार एवं कांग्रेस नेता रामशरण महतले बताए ।
मतदाता शिक्षामा कमी, निर्वाचनप्रति मतदातामा निराशा बढ्दै जानु पनि कारण रहेको कतिपयको भनाइ छ । जिल्लामा सबैभन्दा कम मत क्षेत्र नम्बर २ को मेघाङ–१ बसुन्चेतमा ५२ प्रतिशत खसेको थियो । सबैभन्दा बढी निर्वाचन क्षेत्र १ को पञ्चकन्या गाउँपालिका २ मा ८१ प्रतिशत मत खसेको छ । जिल्लामा प्रतिनिधिसभाका २ र प्रदेशसभाका ४ क्षेत्र छन् ।
source ;kantipur
