अर्थ बाणिज्य / समाज
Thursday, 30 May, 2024
सुन मूल्य प्रतितोला २३०० ले बढ्यो
काठमाडौं–स्थानीय बजारमा पहेंलो धातुको मूल्य निरन्तर बढिरहेको छ। बुधबारको तुलनामा आज सुन तोलामै २ हजार ३०० ले वृद्धि भएको छ।
बुधबार प्रतितोला एक लाख ३८ हजार दुई सयमा कारोबार भएको छापावाला सुन आज एक लाख ४० हजार पाँच सय निर्धारण भएको छ भने तेजाबी सुन भाउ पनि बढेको छ।
तेजाबी सुन बुधबार तोलामा एक लाख ३७ हजार पाँच सय ५० मा कारोबार भएकामा आज एक लाख ३९ हजार आठ सयमा कारोबार भएको छ। अघिल्लो दिनको तुलनामा तेजाबी सुनको मूल्य तोलामा दुई हजार दुई सय ५० ले वृद्धि भएको छ।
यसैगरी चाँदीको मूल्य तोलामा ७० ले वृद्धि भएको छ । बुधबार रु एक हजार नौ सय ३० मा कारोबार भएको चाँदी आज दुई हजारमा बिक्री भइरहेको नेपाल सुनचाँदी व्यवसायी महासंघले जनाएको छ।
