नेदल्याण्ड्स र स्कटल्यण्डसँग टी–२०खेल्ने नेपाली टोलीको घोषणा
नेपाल क्रिकेट संघ क्यानले स्कटल्याण्डमा हुने टी–२० आई सिरिज खेल्ने नेपाली राष्ट्रिय टोलीको घोषणा गरेको छ । क्यानले भोलि आइतबारदेखि स्कटल्याण्डमा सुरु हुने टी–२० आई सिरिजका लागि रोहित पौडेलको कप्तानीमा नेपाली टोलीको घोषणा गरेको हो ।
टोलीमा पूर्वनिर्धारित रुपमा स्कटल्यान्ड भ्रमणमा रहेका खेलाडीलाई निरन्तरता दिएको छ । नेपाली टिमका मुख्य दुई खेलाडी गुल्सन झा र सोमपाल कामी भने घाइते भएपछि टिमबाट बाहिर छन् । किरण ठगुन्ना, लोकेश बम र रुपेश के सिंहलाई सिरिजमा समावेश गरिएको छ । लोकेश बम भने नेपाली टी–२० आई टोलीमा पर्दै आएका छन् ।
नेपालले आफ्नो पहिलो खेलमा आगामी असार २ गते नेदरल्यान्ड्स प्रतिस्पर्धा गर्नेछ । त्यसैगरी, स्कटल्यान्डसँग असार ३ गते खेल्ने तालिका छ । त्यसपछि असार ५ मा नेदरल्यान्ड्स र ६ मा स्कटल्यान्डसँग खेल्ने तालिका छ ।नेपालको टी–२० आई टोलीमा कप्तान रोहित पौडेलसहित आशिफ शेख, कुशल भुर्तेल, अनिलकुमार शाह, भीम सार्की, बसिर अहमद, दीपेन्द्रसिं ऐरी, सन्दीप लामिछाने, करण केसी, ललित राजवंशी, नन्दन यादव र रिजन ढकाल रहेका छन् ।
