अर्थ बाणिज्य / समाज
Friday, 31 May, 2024
सुन मूल्य नयाँ उचाइमा, प्रतितोला १ लाख ४० हजार ५ सय पुग्यो
काठमाडौं– नेपाली बजारमा पहेंलो धातुको मूल्य तोलामा १ हजार ७ सयले वृद्धि भएको छ। लगातार उकालो लागेको सुनको मूल्यमा आजको वृद्धिपछि नयाँ कीर्तिमान कायम गरेको हो।
नेपाल सुनचाँदी व्यवसायी महासंघका अनुसार छापवाला बिहीबार प्रतितोला एक लाख ४० हजार पाँच सयमा कारोबार भएकामा आजका लागि एक लाख ४२ हजार दुई सय निर्धारण भएको छ।
तेजाबी सुन बिहीबार एक लाख ३९ हजार आठ सयमा कारोबार भएकामा आजका लागि एक लाख ४१ हजार पाँच सय निर्धारण भएको छ।
चाँदीको मूल्य भने तोलामा २५ ले ओरालो लागेको छ। बिहीबार प्रतितोला एक हजार ९ सयमा कारोबार भएको चाँदी आजका लागि एक हजार आठ सय ७५ निर्धारण भएको छ।
