दार्चुलाको व्यासमा भेटियो डेंगु सार्ने लामखुट्टे
बैतडी–तराईका जिल्लामा बढी हुने डेंगुु संक्रमण पछिल्लो समय पहाड र हिमाली क्षेत्रमा पनि देखिन थालेको छ । तराईबाट लामखुट्टे पहाड उक्लिएकाले ती क्षेत्रमा पनि जोखिम बढ्दै गएको छ । सुदूरपश्चिम स्वास्थ्य निर्देशनालयका किटजन्य रोग नियन्त्रण सम्पर्क व्यक्ति हेमराज जोशीले भने, ‘दार्चुलाको ब्यासमा पनि डेंगुु सार्ने लामखुट्टे फेला परेको छ । दार्चुलामा प्रदेशकै बढी संक्रमित पनि भेटिएका छन् ।’
पहाडमा पनि डेंगुु सङ्क्रमण बढ्दै गएको र संक्रक्रमितलाई अस्पताल भर्ना गरेर उपचार गर्नुपर्ने अवस्था आएको स्वास्थ्य कार्यालय बैतडीका प्रमुख योगेशप्रसाद भट्टले जानकारी दिए । उनले भने, ‘यहाँ पनि डेंगुु संक्रमण बढेको छ । सबैले सचेत रहन आवश्यक छ ।’डेंगुु भएका उच्च ज्वरो आउने, टाउको, आँखाको गेडी, ढाड, शरीर, घुँडाका जोर्नी दुख्ने, पिडौलाको मासु दुख्ने आदि डेंगुुका लक्षण देखापर्ने गर्दछन् । यसका साथै गम्भीर प्रकृतिको डेंगुु संक्रमण भएका बिरामीमा थकान महसुस हुने, गिजाबाट रगत बग्ने, पेट असाध्यै दुख्ने, बारम्बार बान्ता हुने, श्वास फेर्न गाह्रो हुने, पेट–खुट्टा सुन्निनेजस्ता लक्षण देखा पर्ने निर्देशनालयले जनाएको छ ।
डेंगुु जोखिम कम गर्न निर्देशनालयले प्राविधिक सहजीकरण, किट आपूर्ति र बिरामी व्यवस्थापनमा सहयोग गर्ने गरेको छ । स्थानीय तहले उक्त रोग नियन्त्रणका लागि ‘लार्भा खोज र नष्ट गर’ अभियान सञ्चालन गरिरहेका जोशीले बताए ।वर्षामा दैनिक डेंगुका बिरामी बढ्दै गएपछि प्रदेशभरि संक्रमण फैलाउने लामखुट्टे नष्ट गर्ने र सरसफाइ अभियानका साथै सचेतनामूलक कार्यक्रम सञ्चालन भइरहेको छ ।
यसैबीच सुदूरपश्चिम प्रदेशमा डेंगुु संक्रमण ह्वात्तै बढेको छ । सन् २०२३ को पछिल्लो चार महिनाको तथ्यांक हेर्दा यहाँ डेंगु संक्रमण ह्वात्तै बढेको देखिएको सुदूरपश्चिम प्रदेश स्वास्थ्य निर्देशनालयले जनाएको हो ।निर्देशनालयका अनुसार मेमा २२, जुनमा २६ जनामा संक्रमण देखिएकामा जुलाईमा त्यो संख्या बढेर ५८ पुगेको छ । यस्तै, अगस्तमा भने डेंगुु संक्रमण ह्वात्तै बढेको पाइएको छ ।
अगस्तको हालसम्म दुई सय १३ जनामा संक्रक्रमण देखिएको सुदूरपश्चिम स्वास्थ्य निर्देशनालयका सम्पर्क व्यक्ति जोशीले जानकारी दिए ।
सुदूरपश्चिममा सन् २०२३ को हालसम्म पाँच सय ४० जनामा संक्रमण पुष्टि भइसकेको छ ।यसअघि सन् २०२३ कै जनवरीमा १५, फेबु्रअरीमा ५२, मार्चमा एक सय २९, अप्रिलमा २५ जनामा सङ्क्रमण देखापरेको थियो । प्रदेशको तथ्यांकअनुसार सबैभन्दा बढी पहाडी जिल्ला दार्चुलामा एक सय ९४ जनामा संक्रमण पुष्टि भइसकेको छ ।
कैलालीमा एक सय २५, कञ्चनपुरमा ९५, अछाममा ५२, बाजुरामा ३२, डोटीमा १५, बझाङमा १२, डडेल्धुरामा ९ र बैतडीमा ६ जनामा सङ्क्रमण देखिएको छ । संक्रमणका कारण यस वर्ष मृत्यु भने कसैको पनि भएको छैन ।
गत वर्ष यस प्रदेशमा एक हजार दुई सय ८९ जनामा संक्रमण देखिएकामा चार जनाको मृत्यु भएको थियो । लामखुट्टेको टोकाइबाट हुने डेंगुु गर्मी र वर्षाको समय भएकाले बिरामीको संख्या बढ्न थालेको जोशीले बताए ।
