स्वास्थ्य
Monday, 26 Sep, 2022
सरकारी अस्पतालको ओपीडी सेवामा विद्यार्थीलाई ५० प्रतिशत छुट
ओपीडी सेवा लिन विद्यार्थीले आफ्नो परिचयपत्र देखाउनुपर्नेछ।
काठमाडौं–सरकारले विद्यार्थीलाई संघीय अस्पतालमा उपचार गर्दा ओपीडी शुल्कमा ५० प्रतिशत छुट दिने भएको छ । आइतबार स्वास्थ्य तथा जनसंख्यामन्त्री भवानीप्रसाद खापुङले मन्त्रीस्तरीय निर्णय गर्दै यस्तो व्यवस्था गरेका हुन् ।
संघीय अस्पतालमा परीक्षण गर्न जाँदा ओपीडी शुल्कमा विद्यार्थीलाई ५० प्रतिशत छुट दिने निर्णय गरिएको स्वास्थ्य मन्त्रालयका स्वास्थ्य सचिव डा. रोशन पोखरेलले बताए । उनका अनुसार ओपीडी सेवा लिन विद्यार्थीले आफ्नो परिचयपत्र देखाउनुपर्नेछ ।
