स्वास्थ्य
Tuesday, 20 Sep, 2022
डेंगुका कारण २० जनाको मृत्यु
१६ हजार ५८७ जना संक्रमण पुष्टि भएको स्वास्थ्य मन्त्रालयको तथ्यांक
काठमाडौं– नेपालमा गत पाँच साताको अवधिमा डेंगु संक्रमणका कारण २० जनाको मृत्यु भएको छ । स्वास्थ्य तथा जनसंख्या मन्त्रालयका अनुसार साउनयता २० जनाको ज्यान भएको हो ।
७५ जिल्लामा डेंगु फैलँदा १६ हजार ५८७ जना संक्रमण पुष्टि भएको छ । सबैभन्दा धेरै बागमती प्रदेशमा १२ हजार ४०१ जना डेंगु संक्रमित भएका छन् । यस्तै, लुम्बिनी प्रदेशमा २ हजार ४२२ जनामा संक्रमित हुँदा १ नम्बर प्रदेशमा ५०४ जना संक्रमित भएका छन् ।
सुदूरपश्चिम प्रदेशमा ४९३, गण्डकी प्रदेशमा ३२२, मधेश प्रदेशमा २४२ र कर्णाली प्रदेशमा २०३ जना संक्रमित भएको मन्त्रालयले जनाएको छ ।
