प्रवास
Wednesday, 17 Aug, 2022
नेपाल–बेलायतबीच श्रम समझदारी हुँदै
काठमाडौं–नेपाल र बेलायतबीच स्वास्थ्य जनशक्ति पठाउनेसम्बन्धी श्रम समझदारीपत्रमा हस्ताक्षर हुने भएको छ ।आगामी सोमबार बेलायतमा काम गर्न जाने स्वास्थ्य जनशक्ति पठाउने सम्बन्धमा हस्ताक्षर हुने भएको हो ।
समझदारीमा नेपालबाट श्रम, रोजगार तथा सामाजिक सुरक्षा मन्त्रालयका सचिव एकनारायण अर्याल र बेलायतबाट नेपालस्थित बेलायती राजदूत निकोला पोलिटले हस्ताक्षर गर्ने कार्यक्रम रहेको मन्त्रालयले बताएको छ ।
गत ३१ जेठको मन्त्रिपरिषद् बैठकले नेपालबाट बेलायतमा स्वास्थ्य क्षेत्रका जनशक्ति पठाउनेसम्बन्धी श्रम समझदारीपत्र स्वीकृत गरेको थियो ।