Exclusive News
Monday, 28 Dec, 2020
बेलायतबाट आएका ५ जनामा भेटियो कोरोना
बेलायतबाट नेपाल आएका ५ जनामा कोरोना संक्रमण पुष्टि भएको छ ।
इपिडिमियोलोजी तथा रोग नियन्त्रण महाशाखाका प्रमुख वासुदेव पाण्डेका अनुसार सोमबार बेलायतबाट आएका ५ जनामा कोरोना पुष्टि भएको हो ।
उनीहरुमा पुरानो प्रजातिको कोरोना हो वा नयाँ भन्नेबारे स्पष्ट नभएको उनले बताए । ‘संक्रमित सबै होटल क्वारेन्टाइनमै छन्,’ पाण्डेले भने ।
पछिल्लो समय बेलायतमा चाँडै फैलिने नयाँ किसिमको कोरोना भाइरस देखिएपछि नेपाल प्रवेशमा रोक लगाइएको छ ।
तर, १ देखि ७ पुससम्म आएका सबैलाई अनिवार्य १० दिन क्वारेन्टाइन बस्न र परीक्षण गर्न मन्त्रालयले आग्रह गरेको छ ।
म्हाशाखा प्रमुख पाण्डेका अनुसार कोरोना देखिएका ५ जनाको जिन अध्ययन गरी नयाँ वा पुरानो भाइरसबारे थप जानकारी लिइनेछ ।
