Exclusive News
Friday, 4 Sep, 2020
शुक्रबार थपिए अहिलेसम्मकै बढी कोरोना संक्रमित
स्वास्थ्य तथा जनसंख्या मन्त्रालयका अनुसार शुक्रबार देशभर कोरोनाका १ हजार ३ सय ५९ संक्रमित थपिएका छन् । स्वास्थ्य मन्त्रालयका प्रवक्ता डा. जागेश्वर गौतमले पछिल्लो २४ घन्टामा सो संख्याका संक्रमित थपिएको जानकारी दिएका हुन् ।
यो अहिलेसम्मकै बढी कोरोना संक्रमितको संख्या हो । यसअघि बिहीबार एकै दिन १ हजार २ सय २८ जना कोरोना संक्रमित थपिएका थिए ।
यीसहित हालसम्म संक्रमितको संख्या ४४ हजार २ सय ३६ पुगेको छ । पछिल्लो २४ घन्टामा १३ सय ५४ जना कोरोनाबाट मुक्त भई घर फर्किएका छन् । यीसहित हालसम्म कोरोनाबाट निको हुनेको संख्या २५ हजार ५ सय ६१ पुगेको छ । पछिल्लो २४ घण्टामा १३ हजार ६ सय ३८ जनाको पिसीआर परीक्षण गरिएको छ ।
पछिल्लो २४ घन्टामा थप १४ जना कोरोना संक्रमितको मृत्यु भएको मन्त्रालयले जनाएको छ । शुक्रबारसहित कोरोनाबाट मृत्यु हुनेको संख्या २ सय ७१ पुगेको छ ।
