राजनीति / देश
Wednesday, 21 Sep, 2022
महानगरको अनुमतिबिना काठमाडौंमा डिजिटल बोर्ड र विज्ञापन राख्न निषेध
अनुमतिबिना र अनुमति अवधि समाप्त भएका होर्डिङ बोर्ड तथा डिजिटल बोर्ड हटाउन महानगरको निर्देशन
काठमाडौं– काठमाडौं महानगरले अनुमतिबिना होर्डिङ बोर्ड एवं डिजिटल बोर्ड राख्न रोक लगाएको छ ।
महानगरले सार्वजनिक सूचना जारी गर्दै अनुमतिबिना र अनुमति अवधि समाप्त भएका होर्डिङ बोर्ड तथा डिजिटल बोर्ड हटाउन निर्देशन दिएको छ ।‘५ असोजबाट अनुमतिबिना बाह्य विज्ञापन सञ्चालन नगर्न÷नगराउन सम्वद्ध सबैलाई सूचित गरिन्छ,’ महानगरले भनेको छ ।
उच्च अदालत पाटनबाटले दिएको ३० भदौको आदेशका आधारमा ५ असोजबाट बाह्य विज्ञापन सञ्चालन नगर्न÷नगराउन महानगरले निर्देशन दिएको छ । नियम उल्लंघन गरेर बोर्डमा विज्ञापन सञ्चालन गरेको पाइए नगर प्रहरी बल लगाएर हटाइने महानगरको चेतावनी छ ।
