समानुपातिक उम्मेदवारको बन्दसूची ३ असोजभित्रै बुझाउनुपर्ने
प्रतिनिधिसभातर्फ ११० र प्रदेशसभातर्फ २२० निर्वाचन क्षेत्रका लागि दलहरूले उम्मेदवारको बन्दसूची पेस गर्नुपर्ने
काठमाडौं– निर्वाचन आयोगले समानुपातिकतर्फ उम्मेदवारको बन्दसूची बुझाउन राजनीतिक दलहरूलाई सोमबारसम्मको समय दिएको छ ।
दलहरूले आइतबार र सोमबार आयोग पुगेर उम्मेदवारको बन्दसूची पेस गर्न सक्नेछन् । प्रतिनिधिसभातर्फ ११० र प्रदेश सभातर्फ २२० निर्वाचन क्षेत्रका लागि दलहरूले उम्मेदवारको बन्दसूची पेस गर्नुपर्नेछ ।
४ मंसिरमा हुने प्रतिनिधिसभा र प्रदेशसभा निर्वाचनका लागि आयोगले आइतबार र सोमबार समानुपातिकतर्फ उम्मेदवारको बन्दसूची पेस गर्ने कार्यतालिका बनाएको थियो । आयोग परिसरमै मुख्य निर्वाचन अधिकृत कार्यालय खोलिएको छ ।
दलहरूले समानुपातिकतर्फ उम्मेदवारको सूची तयार पारेर आयोगमा बुझाउने तयारी छन् । उम्मेदवार तय गर्दा दलहरूले समावेशी सिद्धान्तलाई ध्यान दिनुपर्नेछ ।
कांग्रेस, एमाले, नेकपा माओवादी केन्द्र, नेकपा एकीकृत समाजवादी, जसपा, लोसपा, राप्रपालगायत दलले यसअघि समानुपातिक सांसद रहेकालाई सकेसम्म नदोहो¥याउने बताएका छन् ।
प्रत्यक्षतर्फ २३ असोजमा उम्मेदवारको मनोनयन दर्ता गर्ने कार्यतालिका छ ।
