सिट बाँडफाँटमा कांग्रेसको बखडा : प्रचण्ड
कांग्रेसले बखेडा गरिरहे वाममोर्चा बनाएर चुनावमा जाने प्रचण्डको घुर्की
काठमाडौं– नेकपा माओवादी केन्द्रका अध्यक्ष पुष्पकमल दाहाल प्रचण्डले नेपाली कांग्रेसले सिट बाँडफाँटमा बखेडा गरिरहेको आरोप लगाएका छन् ।
बागमती प्रदेशका केन्द्रीय सदस्य र प्रदेश पदाधिकारीको संयुक्त बैठकलाई आइतबार सम्बोधन गर्दै प्रचण्डले यस्तो आरोप लगाएका हुन् । कांग्रेसले बखेडा गरिरहे वाममोर्चा बनाएर अगाडि बढ्ने घुर्की उनले लगाए ।‘हामीसँग वाममोर्चाको पनि विकल्प छ । अहिले वाम लोकतान्त्रिक गठबन्धन छँदै छ’, उनले भने, ’कांग्रेसले सिट बाँडफाँटमा ज्यादती गरेछ भने पनि संयुक्त वाममोर्चाका रूपमा चुनावी तयारी अगाडि बढाउँछौं ।’
प्रचण्डले माओवादीमा स्थानीय चुनावमा जस्तै अन्तर्घात भए पार्टी नै विघटन हुन सक्ने चेतावनी दिए ।
‘हामीबीचमै खुट्टा तानातान र अन्तर्घात भयो भने पार्टी विघटन कसैले रोक्न सक्दैन’, उनले भने, ‘त्यसैले पार्टीका नेता, कार्यकर्तालउ यतातिर ध्यान दिनैपर्छ ।’
उनले अबको तीन महिना गुनासो गर्नेभन्दा निर्वाचनमा पार्टीलाई जिताउन लाग्न पनि नेताहरुलाई निर्देशन दिए
