प्रमुख समाचार
Thursday, 25 Aug, 2022
एकीकृत समाजवादीले पार्टी पुनर्गठन दिवस मनाउँदै
काठमाडौं– एमालेबाट अलग भई निर्माण भएको नेकपा एकीकृत समाजवादी ले बिहीबार पार्टी पुनर्गठन दिवस मनाउँदै छ।एकीकृत समाजवादीले निर्वाचन अयोगबाट पार्टी दर्ता प्रमाणपत्र पाएको दिन ९ भदौलाई पार्टी पुनर्गठन दिवसका रूपमा मनाउन लागेको हो ।
नेकपा एसले गत वर्ष एमालेबाट विभाजित भई माधवकुमार नेपालको नेतृत्वमा २ भदौमा निर्वाचन आयोगमा दल दर्ताका लागि निवेदन दिएकामा ९ भदौमा दर्ता प्रमाणपत्र पाएको थियो ।
नेकपा एसका प्रवक्ता जगन्नाथ खतिवडाले बिहीबार दिउँसो १ बजे बानेश्वरस्थित अर्पण ब्यांक्वेटमा पुनर्गठन दिवस मनाउन लागिएको बताएका हुन् ।उनले पार्टीले हालसम्म ५ लाख सदस्यता वितरण गरिसकेको जानकारी दिए । पार्टी पुनर्गठन दिवस अवसरमा अध्यक्ष माधवकुमार नेपाल र झलनाथ खनालसहितका शीर्ष नेताले सम्बोधन गर्नेछन् ।
