राजनीति / देश
Tuesday, 14 Jun, 2022
त्रिचन्द्र कलेज पुनर्निर्माण गर्नुपर्ने माग राख्दै प्रदर्शन
नेविसंघले काठमाडौंस्थित त्रिचन्द्र कलेज पुनर्निर्माण गर्नुपर्ने माग राख्दै प्रदर्शन गरेको छ।त्रिचन्द्र कलेजका भवन जीर्ण भइसकेकोले पुनर्निर्माण गरिनुपर्ने नेविसंघको माग छ।
नेविसंघले आज कलेज परिसरका सडकमा ‘प्रधानमन्त्रीज्यू, तपाईं पढेको कलेज कहिले बन्ने?, भ्युटावर बन्ने त्रिचन्द्र नबन्ने?’ जस्ता प्ले कार्डसहित प्रदर्शन गरेका हुन्।
प्रधानमन्त्री स्वयंले पढेको र नेपालकै ज्येष्ठ कलेज भए पनि यसको संवर्धनमा सरकार उदासीन रहेको उनीहरुले बताएका छन् । प्रदर्शनका क्रममा उनीहरुले त्रिचन्द्र क्याम्पस बचाउन नारा समेत लगाएका थिए।