खेलकुद
Tuesday, 29 Mar, 2016
टी–२० टोलीबाट युवराज सिंह बाहिर
महेन्द्र सिंह धोनी युवराजको चोटलाई लिएर उनले यस्तो प्रतिक्रिया दिएका हुन्।
नयाँ दिल्ली— भारतीय क्रिकेट टोलीका हिटर मानिने युवराज सिंह टी–२० विश्वप सेमिफाइनल खेल्नबाट बञ्चित हुने लगभग निश्चित भएको छ। अष्ट्रेलियाविरुद्धको खेलका क्रममा चोट बोकेका युवराज सिंहलाई टोलीबाट हटाइएको हो। अष्ट्रेलियासँग खेल्दा घाइते भए लगत्तै युवराज सिंहको एमआरआई स्क्यान गरिएको थियो।
त्यसपछि उनी स्वास्थ्य लाभ गर्दै आएका छन्। मेडिकल स्टाफहरुले सेमिफाइनलका लागि युवराज टोलीमा फर्कन नफर्किने निश्चित नरहेको उल्लेख गरेका छन्। उनको स्थानमा स्थानमा मनीष पाण्डेले खेल्ने बीसीसीआई स्रोतलाई उल्लेख गर्दै भारतीय मिडियाहरुले जनाएका छन्।
कप्तान महेन्द्र सिंह धोनीले खेलाडी परिवर्तन आवश्यक भए त्यो गर्न आफू तयार रहेको उल्लेख गरे। युवराजको चोटलाई लिएर उनले यस्तो प्रतिक्रिया दिएका हुन्।
‘खेलाडी परिवर्तन गर्नुपर्ने अवस्था आउँछ अथवा आउँदैन म अहिले नै भन्न सक्दिनँ। तर विकेटको दृष्टिबाट हेर्दा यो सम्भव छ। हामीले युवराजको चोटलाई पनि हेर्नुपर्ने हुन्छ। यदि फिजियोले उनको स्थिति राम्रो नभएको रिपोर्ट दिएमा हामीले उनको स्थानमा अर्को खेलाडी तयार पार्नै पर्छ।’
