संसदीय दलको नेता आफैं बन्न देउवालाई दबाव
संस्थापन पक्ष 'पर्ख र हेर'को रणनीतिमा
४ चैत, काठमाडौं । महाधिवेशनबाट नयाँ नेतृत्व चयन गरिसकेपछि अब नेपाली कांग्रेस संसदीय दलको नेता छान्ने तयारीमा जुटेको छ । संसदीय दलको नेता शेरबहादुर देउवा आफैं बन्नुपर्ने दबाव देउवा गुटका केन्द्रीय सदस्यहरुले दिन थालेका छन् ।
पार्टीको १३ औं महाधिवेशनले शेरबहादुर देउवाको नेतृत्वमा ६४ सदस्यीय कार्यसमिति चयन गरेको छ । र, सभापति देउवाले पदाधिकारी चुनावमा पराजित भएकाहरुसहित ७ जनालाई मनोनित गरिसकेका छन् ।
अब पार्टी सभापति देउवा केही दिनमा नै केन्द्रीय कार्यसमितिको पहिलो बैठक बोलाउने तयारीमा छन् । चैत १० गतेभित्र बैठक बोलाउने सम्भावना रहेको एक नेताले बताए ।
सो बैठकले संसदीय दलको नेता चयनबारे निर्णय गर्ने सम्भावना छ ।
सभापति देउवा मनोनित उपभापति र महामन्त्रीसहितका पदाधिकारी थप्नुअघि नै संसदीय दलको चुनाव गर्ने तयारीमा छन् । पदाधिकारी मनोनयनमा आफ्नो गुट व्यवस्थापन र संस्थापन पक्षलाई पनि समेट्नुपर्ने भएकाले पहिलो दलको नेता छान्न उपयुक्त हुने निकटवर्तीहरुको सुझाव छ ।
प्रमुख विपक्षी दलको संसदीय दलको नेता ‘वेइटिङ प्राइमिनिष्टर’ समेत भएकाले यसलाई महत्वका साथ हेरिएको छ ।
.
