रास्वपा केन्द्रीय समिति बैठकः विरोधस्वरुप मुखमै कालो टेप टाँसेर सहभागी भए महामन्त्री ढकाल
काठमाडौं– सत्ता वर्हिगमन हुँदै गरेको राष्ट्रिय स्वतन्त्र पार्टी ९रास्वपा०को केन्द्रीय समिति बैठक लाइभ ९प्रत्यक्ष प्रसारण० नगरेपछि महामन्त्री डा। मुकुल ढकालले सांकेतिक विरोधस्वरुप मुखमा कालो टेप टाँसेर सहभागी भएका छन्। बुधबार बिहान सुरु भएको केन्द्रीय समिति बैठकमा महामन्त्री ढकालले आफ्नो माग सुनुवाइ नभएपछि मुखमा कालो टेप टाँसेर सांकेतिक विरोध जनाएका हुन्।
महामन्त्री ढकालले केही दिनअघि पार्टी नेतृत्वलाई ३२ पृष्ठ लामो प्रतिवेदन बुझाएर पुराना दलसँग मिल्नुभन्दा काठमाडौं महानगरका मेयर बालेन्द्र साह ९बालेन० सँग नजिक हुनुपर्ने लगायत सुझाव दिएपछि रास्वपामा आन्तरिक संघर्ष बढ्दै गएको ठानिएको छ। ढकालले सत्ताकै कारण रास्वपा संकटमा पर्दै गएको प्रतिवेदनमा उल्लेख गरेका छन्। सोही प्रतिवेदनमाथि छलफल गर्नुका साथै मुलुकमा विकसित नयाँ राजनीतिक घटनाक्रमबारे धारणा बनाउन रास्वपाले केन्द्रीय समिति बैठक आह्वान गरेको हो।
