Exclusive News
Wednesday, 19 Jun, 2024
विपन्नलाई पढाउन पाल्पाका तीन विद्यालयमा अक्षय कोष स्थापना
पाल्पा–विपन्न विद्यार्थीलाई पढाउने उद्देश्यले पाल्पाका तीन वटा विद्यालयलाई एक–एक लाखका दरले अक्षय कोष स्थापना गर्न रकम उपलब्ध गराइएको छ। रामपुर नगरपालिका वडा नं ६ का समाजसेवी रामप्रसाद लम्साल परिवारले मंगलबार उक्त रकम प्रदान गरेको हो। जेहेनेदार, विपन्न विद्यार्थीबाहेक खेलकुद, सरसफाइ र अनुशासनमा अब्बल ठहरिनेलाई पनि पुरस्कृत गर्न अक्षय कोष खडा गरिएको हो।
रामपुर नगरपालिका क्षेत्रभित्रका रामतुलसी नमुना माध्यमिक विद्यालय, दरैठाँटी मावि र आधारभूत माविमा एक–एक लाखका दरले अक्षय कोष स्थापनाका निम्ति रकम प्रदान गरिएको दाता रामप्रसाद लम्सालले बताए।
उनकी श्रीमती चुत्रकलाको जन्मजयन्तीमा ती विद्यालयका प्रधानाध्यापकलाई एक लाखका चेक हस्तान्तरण गरिएको हो।
