गण्डकीमा फणिन्द्रलाई ऊर्जा र मनाङेलाई भौतिक मन्त्रालयको जिम्मा

काठमाडौं–गण्डकी प्रदेशका मुख्यमन्त्री सुरेन्द्र पाण्डेले मन्त्रिपरिषद् विस्तार गरेका छन्। मुख्यमन्त्री पाण्डेले सोमबार विश्वासको मत लिँदा फ्लोर क्रस गरेका नेकपा माओवादी केन्द्रका सांसद फणिन्द्र देवकोटालाई ऊर्जा, जलस्रोत तथा खानेपानी मन्त्रालयको जिम्मा दिएका छन्।
यस्तै, नेकपा एसका सांसद राजीव गुरुङ (दीपक मनाङे)ले भौतिक पूर्वाधार तथा यातायात मन्त्रालयको जिम्मेवारी पाएका छन्। योसँगै मनाङले छैटौंपल्ट मन्त्री बन्ने अवसर पाएका छन्।
आज नवनियुक्त दुवै मन्त्रीले पद तथा गोपनीयताको शपथ लिएका छन्। माओवादी चुनाव चिह्नबाट विजयी नेपाल समाजवादी पार्टीका सांसद देवकोटाले ह्वीप जारी भए पनि मुख्यमन्त्रीलाई विश्वासको मत दिएका थिए । माओवादी चुनाव चिह्नबाट निर्वाचनमा विजयी भए पनि देवकोटाले आफू बाबुराम अलग्गै पार्टीको सांसद भएको बताउँदै आएका छन्। ६० सदस्यीय प्रदेशसभामा पाण्डेले राप्रपाका २ सांसद, मनाङे र देवकोटाको समर्थनपछि बहुमत जुटाएका हुन्।