जनवरीमा नेपाल घुमफिरमा आए ७९ हजार पर्यटक

काठमाडौं– सन् २०२४ को पहिलो महिना जनवरीमा ७९ हजार बढी पर्यटक नेपाल भ्रमणमा आएको तथ्यांक नेपाल पर्यटन बोर्डले सार्वजनिक गरेको छ।।
बोर्डका अनुसार जनवरीमा ७९ हजार १ सय पर्यटकले नेपाल भ्रमण गरेका हुन्। यो संख्या अघिल्लो वर्ष जनवरीको तुलनामा यो २४ हजार बढी रहेको बोर्डले जनाएको छ।
बोर्डको तथ्यांकअनुसार सबभन्दा धेरै भारतबाट २४ हजार १३९ पर्यटक नेपाल घुमफिरमा आएका छन् ।
यस्तै, चीनबाट ७ हजार २६७ जना आएका छन्।
कोरोना महामारीका कारण पछिल्लो चार वर्षमा नेपाल घुम्न आउने चिनियाँ पर्यटकको संख्या न्यून थियो। तर, चीनले यात्रा प्रतिबन्ध हटाएपछि नेपाल घुम्न आउने चिनियाँको संख्या बढेको छ।
जनवरीमा अमेरिकाबाट ७ हजार ४७, थाइल्यान्डबाट ४ हजार ६१९, दक्षिण कोरियाबाट ३ हजार ८१२, बंगलादेशबाट ३ हजार ६२९, अस्ट्रेलियाबाट ३ हजार ४२१, बेलायतबाट ३ हजार २७६, भुटानबाट २ हजार २२९ र जापानबाट १ हजार ५६८ पर्यटक नेपाल भ्रमणमा आएको बोर्डले बताएको छ।