अर्थ बाणिज्य / समाज
Thursday, 1 Feb, 2024
जुम्लामा हिमपात, हिउँदे बाली सप्रिने आश
काठमाडौं– जुम्लामा आज बिहानैदेखि हिमपात भएको छ। हरेक वर्ष हिउँदमा हिमपात हुने हुम्लामा यस वर्ष ढिलो गरी हिउँ परेको हो।
सदरमुका खलंगासहित जिल्लाभर करिब आधा फिट हिउँ जमेको छ। ढिलो गरी हिमपात भएपछि हिउँदै बाली लगाएर अकासे पानीको पर्खाइमा रहेका किसान खुसी भएको तिला गाउँपालिमा–१ का स्थानीय पार्वती बुढाले जानकारी दिइन्।
यस वर्षको हिउँदेयामको पहिलो हिमपात हो। अहिले हिमपात भइरहेको छ। माघ महिना लाग्दा पनि हिउँ नपरेपछि खडेरी लाग्ने हो कि भन्ने किसान चिन्तामा थिए। जौ र गहुँबाली लगाएका किसानले हिमपातपछि बाली सप्रिने आशमा खुसी भएको कृषि विकास कार्यालयले जनाएको छ।
स्याउ र ओखर बिरुवा रोप्ने याम आएकाले हिउँले सहज हुने कृषि उद्यमी गोपाल रोकायाको भनाइ छ। जुम्लालगायत माथिल्लो कर्णालीमा हिमपात भएसँगै हवाई सेवा अवरुद्ध भएको छ।
