अर्थ बाणिज्य / समाज
Friday, 5 Jan, 2024
सानिमा बैंकको नयाँ वर्ष अफर
काठमाडौं-सानिमा बैंकले नयाँ वर्ष २०२४ अवसरमा ग्राहक लक्षित विशेष योजना सार्वजनिक गरेको छ ।
योजना अवधिभर सानिमा डोमेस्टिक डेबिट कार्डको आवेदन दिने ग्राहकले जारी शुल्कमा २४ प्रतिशत छुट प्राप्त गर्न सक्ने बैंकले जनाएको छ।
यो योजना पुस २२ देखि माघ ११ सम्म लागू हुनेछ।
बैंकले ग्राहकलाई विभिन्न छुट तथा अफरमार्फत डिजिटल भुक्तानी प्रयोगमा जोड दिँदै नगदरहित कारोबारका लागि प्रोत्साहन गर्दै आएको छ ।
बैंकका सानिमा डेबिट कार्ड, क्रेडिट कार्ड र मोबाइल बैंकिङ प्रयोगकर्ताले विभिन्न अस्पताल, सपिङ आउटलेट, होटल, रेस्टुरेन्ट तथा अन्य मर्चेन्टमा छुट दिइँदै आएको छ।
बैंकले हाल १३३ शाखा तथा १२३ एटिएममार्फत ग्राहकलाई बैंकिङ सेवा दिँदै आएको छ।
