खेलकुद
Monday, 18 Dec, 2023
बंगलादेशलाई यू–१९ एसिया कप उपाधि
काठमाडौं– युएईलाई १९५ रनले पराजित गर्दै बंगलादेशले एसिसी यू–१९ एसिया कपको उपाधिमाथि कब्जा जमाएको छ ।
बंगलादेशले दिएको २८३ रनको लक्ष्य पछ्याएको युएई २४.५ ओभरमा ८७ रनमै अल आउट हुन पुग्यो ।
युएईका ध्रुव परासरले सबैभन्दा बढी नटआउट २५ रन जोडे । अक्षत राईले ११ रन जोड्दा अरु कुनै पनि ब्याटरले दोहोरो अंकमा रन जोड्न सकेनन्।
बलिङमा बंगलादेशका मारुफ मृधा र रोहनत बोरसनले ३–३ विकेट लिए। इकबाल हुसेन र शिख जिबोनले २–२ विकेट हात पारे।
आइतबार दुबईमा घरेलु टिमले टस जितेर फिल्डिङ रोजेपछि पहिले ब्याटिङ गरेको बंगलादेशले ८ विकेटको क्षतिमा २८२ रन जोड्यो।
यसअघि सेमिफाइनलमा युएईले पाकिस्तान र बंगलादेशले भारतलाई पराजित गर्दै फाइनलमा स्थान पक्का गरेका थिए।
प्रतियोगितामा भाग लिएको नेपाल समूह चरणमा भारत, पाकिस्तान र अफगानिस्तान तीन वटैै टिमसँग पराजित भएको थियो ।
