Breaking News
Wednesday, 7 Aug, 2024
एयर डाइनेस्टीको हेलिकप्टर दुर्घटना, चार जनाको मृत्यु
काठमाडौं– नुवाकोटको शिवपुरीमा एयर डाइनेस्टीको हेलिकप्टर दुर्घटना भएको छ। दुर्घटनामा चार जनाले ज्यान गुमाएको बताइएको छ।
त्रिभुवन अन्तर्राष्ट्रिय विमानस्थलका महाप्रबन्धक जगन्नाथ निरौलाले हेलिकप्टर दुर्घटनामा परेको र थप जानकारी आइनसकेको जानकारी दिए।
नुवाकोटका प्रहरी उपरीक्षक शान्तिराज कोइरालाका अनुसार शिवपुरी गाउँपालिका–७ शिवपुरी जंगलको सूर्यचौर क्षेत्रमा हेलिकोप्टर दुर्घटना भएको हो।
‘स्थानीय र नजिकको प्रहरी चौकीबाट गएका सुरक्षाकर्मीले उद्धार तथा आगो निभाउने प्रयास गरिरहेका छन्’, उनले भने।
हेलिकोप्टर चार चिनियाँ पर्यटक लिएर रसुवा जाने क्रममा शिवपुरीमा दुर्घटनामा परेको हो।
