प्रमुख समाचार
Wednesday, 26 Jun, 2024
पोखरामा सडक भासिँदा यातायात अवरुद्ध
काठमाडौं–पृथ्वी राजमार्गअन्तर्गत पोखरा महानगर–१४ चाउथेमा सडक भासिँदा यातायात अवरुद्ध भएको छ। निरन्तरको वर्षापछि चाउथेको आनन्द टोल घट्टेकुलोको पानीको बहाव बढ्न गई पृथ्वी राजमार्ग सडक खण्ड भासिएको जिल्ला प्रहरी कार्यालय कास्कीका सूचना अधिकारी प्रहरी नायब उपरीक्षक वसन्तकुुमार शर्माले बताए।
उक्त स्थानबाट करिब १० मिटर अगाडिको सडकको दायाँतर्फ करिब सात मिटर लम्बाइ र करिब एक मिटर चौडाइ भासिएको उनले बताए।
सडक मर्मत गरेर यातायात सहज बनाउने प्रयास भइरहेको उनले जानकारी दिए।
