खेलकुद
Wednesday, 12 Jun, 2024
वर्षाका कारण नेपाल–श्रीलंकाबीचको खेल रद्द
काठमाडौं–आईसीसी टी–२० विश्वकप क्रिकेट प्रतियोगिताअन्तर्गत नेपाल र श्रीलंकाबीचको खेल वर्षाका कारण रद्द भएको छ। अमेरिकाको फ्लोरिडास्थित ब्रोआर्ड काउन्टी मैदानमा आज बिहान सवा ५ बजेदेखि सुरु हुने भनिएको खेल निरन्तरको वर्षापछि रद्द भएको हो। खेल रद्द भएसँगै दुवै टोलीले समान एक–एक अंकक बाँडेका छन्।
विश्वकपमा नेपालले दुई खेलमा १ अंक जोडेको छ भने तीन खेलबाट श्रीलंकाको पनि समान १ अंक छ। नेपालको अघिल्लो चरण प्रवेशको सम्भावना कायमै छ। विश्वकपको समूह ‘डी’ मा रहेको दक्षिण अफ्रिका तीन खेलमा ६ अंकका साथ सुपर आठमा प्रवेश गरिसकेको छ। बंगलादेश र नेदरल्यान्ड्सको समान दुई खेलबाट समान २–२ अंक छ।
नेपालले अब वेस्टइन्डिजमा जेठ ३२ मा दक्षिण अफ्रिकासँग खेल्नेछ।
