प्रमुख समाचार
Wednesday, 10 Apr, 2024
शिक्षा मन्त्रालयले भन्यो– विदेशी सम्बन्धनका कलेजमा भर्ना नगर्नू
काठमाडौं– शिक्षा, विज्ञान तथा प्रविधि मन्त्रालयले अनुमति नलिई सञ्चालनमा रहेका विदेशी शिक्षण संस्थाको सम्बन्धनका कलेजमा विद्यार्थी भर्ना नगर्न आग्रह गरेको छ। मन्त्रालयले सूचना जारी गरी ‘ए लेभल’, ‘इन्टरनेसनल ब्याकालरेट्स’, ‘सिएसइबी’ र सोसरहका कार्यक्रम सञ्चालन गर्न अनुमति लिएका ४९ संस्थाको सूची सार्वजनिक गर्दै तीबाहेकका संस्थामा विद्यार्थी भर्ना नगर्न आग्रह गरेको हो।
इन्टरनेसनल एजुकेसन प्रोभाइडर्स अफ नेपाल ९आइप्यान०ले भने नेपालमा ८९ संस्था सञ्चालनमा रहेको जनाएको छ। अनुमति नलिई सञ्चालन हुने संस्थालाई कारबाही गरिने चेतावनी मन्त्रालयले दिएको छ।
