Exclusive News
Monday, 8 Apr, 2024
धितोपत्र बोर्ड अध्यक्ष बन्न पाँच जनाको नाम ‘सर्टलिस्ट’
काठमाडौं–नेपाल धितोपत्र बोर्डमा रिक्त अध्यक्षका लागि आवेदन दिएकामध्ये पाँच जनाको नाम ‘सर्टलिस्ट’ भएको छ। बोर्डका अनुसार कृष्णबहादुर कार्की, चिरञ्जीवी चापागाईं, डा। नवराज अधिकारी, मुक्ति श्रेष्ठ र सन्तोष श्रेष्ठको नाम सर्टलिस्टमा परेको हो। यीमध्ये कार्की नेपाल स्टक एक्सचेन्ज ९नेप्से० का प्रमुख कार्यकारी अधिकृत, चापागाईं बिमा समितिका पूर्वअध्यक्ष, अधिकारी र मुक्ति श्रेष्ठ बोर्डकै कार्यकारी निर्देशक हुन् ।
बोर्ड अध्यक्षबाट रमेश हमाल बाहिरिएपछि सञ्चालक समितिले अध्यक्षका लागि आवेदन मागेको थियो। अन्तिम म्याद ३० फागुनसम्म रहेकोमा १९ जनाले आवेदन दिएका थिए। बोर्डका अनुसार सर्टलिस्टमा परेका मध्येबाट तीन जनाको नाम मन्त्रिपरिषद्मा सिफारिस गरिनेछ। तीनमध्ये एक जनालाई मन्त्रिपरिषद्ले चार वर्षका लागि धितोपत्र बोर्ड अध्यक्ष नियुक्त गर्नेछ।
