Exclusive News
Tuesday, 6 Feb, 2024
७ खर्ब ३३ अर्ब रेमिट्यान्स भित्रियो
काठमाडौं– चालू आर्थिक वर्षको पुस महिनासम्म विप्रेषण आप्रवाह (रेमिट्यान्स) २५.३ प्रतिशतले वृद्धि भएको आँकडा नेपाल राष्ट्र बैंकले सार्वजनिक गरेको छ।
मंगलबार केन्द्रीय बैंकले सार्वजनिक गरेको ६ महिने वित्तीय विवरणअनुसार चालू आवको ६ महिनामा ७ खर्ब ३३ अर्ब २२ करोड रुपैयाँ रेमिट्यान्स भित्रिएको हो। अघिल्लो वर्षको सोही अवधिमा विप्रेषण आप्रवाह २४.३० प्रतिशतले बढेको थियो।
अमेरिकी डलरमा विप्रेषण आप्रवाह पनि २२.६० प्रतिशतले बढेर ५ अर्ब ५२ करोड पुगेको राष्ट्र बैंकको विवरणमा उल्लेख छ। अघिल्लो वर्ष यस्तो आप्रवाह १३.९ प्रतिशतले बढेको थियो।
राष्ट्र बैंकका अनुसार पछिल्लो ६ महिनामा वैदेशिक रोजगारीका लागि अन्तिम श्रम स्वीकृति लिने नेपालीको संख्या २ लाख ७ हजार ९७० पुगेको छ।
