दोहोरो अंकले घट्यो नेप्से

काठमाडौं– यो साता कारोबारको लगातार तीन दिनसम्म उकालो लागेको नेपाल स्टक एक्सचेञ्ज (नेप्से) परिसूचक आज चौथो दिन भने दोहोरो अकले घटेको छ।
आज परिसूचक २१ दशमलव ६७ अंकले घटेर दुई हजार ९७ दशमलव ९३ को बिन्दुमा कायम भएको हो।
आज तीन सय १३ कम्पनीको एक करोड ४७ लाख ७७ हजार एक सय १० कित्ता सेयर ९५ हजार ६ सय ४५ पटक खरिदबिक्री हुँदा पाँच अर्ब २९ करोड ५६ लाख पाँच हजार ५७ बराबरको कारोबार भएको छ।
उत्पादन तथा प्रशोधन समूह शून्य दशमलव १४ प्रतिशतले बढेको छ भने अरू सबै समूहको उपसूचक घटेको छ।
सबैभन्दा धेरै होटल तथा पर्यटन समूह दुई दशमलव ०४ प्रतिशतले घटेको छ।
सामलिङ पावर कम्पनीको सेयर मूल्य आज सबैभन्दा धेरै ९ दशमलव ८७ प्रतिशतले बढेको छ। सबैभन्दा धेरै मेन्छियाम हाइड्रोपावरको सेयर मूल्य पाँच दशमलव ८७ प्रतिशतले घटेको छ।
कारोबार रकम र कारोबार भएका शेयर संख्याका आधारमा आज सबैभन्दा धेरै हिमालयन रिइन्स्योरेन्सको ६३ करोड ८७ लाख ८२ हजार ६ सय ९१ बराबरको आठ लाख ८९ हजार आठ सय ६८ कित्ता सेयर किनबेच भएको छ ।