अर्थ बाणिज्य / समाज
Friday, 29 Dec, 2023
गहुँको समर्थन मूल्य प्रतिक्विन्टल ३ हजार ६५० तोकियो
काठमाडौं– सरकारले गहुँको समर्थन मूल्य तोकेको छ। मन्त्रिपरिषद् बैठकले गहुँको न्यूनतम समर्थन मूल्य प्रतिक्विन्टल ३ हजार ६५० रुपैयाँ तोक्ने निर्णय गरेको हो
कृषि तथा पशुपक्षी विकास मन्त्रालयले गहुँको प्रतिक्विन्टल उत्पादन २ हजार ९ सय ७७ रुपैयाँ ७२ पैसा, उत्पादन लागत प्रतिक्विन्टल ५ सय ९४ रुपैयाँ ५४ पैसा र प्रतिक्विन्टल ढुवानी लागत ७७ रुपैयाँ ८८ पैसा गरी प्रतिक्विन्टल मूल्य ३ हजार ६५० रुपैयाँ १४ पैसा प्रस्ताव गरेको थियो।
गत वर्ष सरकारले गहुँको न्यूनतम समर्थन मूल्य ३ हजार ३५१ रुपैयाँ निर्धारण गरेको थियो।
यो वर्षका लागि तोकिएको मूल्य प्रतिक्विन्टलमा ३०० बढी हो।
