Exclusive News
Thursday, 21 Dec, 2023
बुद्ध एयरको जहाजको ढोका खुलेपछि उडान रोकियो
काठमाडौं– पोखराबाट काठमाडौंका लागि उड्नै लागेको जहाजको ढोका एक्कासि खुलेपछि उडान रोकिएको छ। विहान ९ बजे काठमाडौं उड्नै लाग्दा इमर्जेन्सी ढोका खुलेपछि उडान रोकेको हो।
बुद्ध एयरका सूचना अधिकारी दीपेन्द्र कर्णले उडान ६५३ का जहाजको आकस्मिक ढोका यात्रुबाट के कति कारणले खुल्न गएको हो भन्नेबारेमा पोखरा टर्मिनलका सुरक्षाकर्मीहरुले बुझिरहेको जानकारी दिए।
आकस्मिक ढोका रहेको सिटमा बस्ने यात्रुलाई जहाज परिचालिकाले हरेक उडानमा यसबारे जानकारी गराउने हुँदा ढोका खोलिएकोबारे बुझ्ने प्रयास भइरहेको उनको भनाइ छ। जहाजको चेकजाँच भइरहेको र यात्रुहलाई अर्को जहाजमा ल्याउन लागिएको उनले बताए।
