नवौं राष्ट्रिय खेलकुदमा एथलेटिक्स पुरुषतर्फको १५ सय मिटरमा सेनाका मुकेशले जिते स्वर्ण
पोखरा रंगशाला ट्रयाकमा शनिबार भएको दौडमा मुकेशले विभागीय प्रतिद्वन्द्वी एपीएफका अजित यादवलाई पछि पार्दै स्वर्ण जितेका हुन् काठमाडौं– नवौं राष्ट्रिय खेलकुदअन्तर्गत गण्डकी प्रदेशको पोखरामा जारी एथ्लेटिक्सको पुरुषतर्फ १५ सय मिटरमा दौडमा नेपाली सेनाका मुकेश पलले स्वर्ण जितेका छन् । पोखरा रंगशाला ट्रयाकमा शनिबार भएको दौडमा मुकेशले विभागीय प्रतिद्वन्द्वी एपीएफका अजित यादवलाई पछि पार्दै स्वर्ण जितेका हुन् । मुकेशले निर्धारित दूरी ३ मिनेट ५२.२१ सेकेन्डमा पूरा गरे । रजत पदक विजेता एपीएफका अजितले ३ मिनेट ५३.११ सेकेन्डमा निर्धारित दूरी पूरा गरे । नेपाल प्रहरीका नागेश्वर अघरीले ३ मिनेट ५६.५ सेकेन्डमा निर्धारित दूरी पार गर्दै कास्य जिते । यसअघि महिलातर्फको १ सय मिटरमा एपीएफ क्लबकी फूलमती रानाले स्वर्ण जितिन् ।
