Exclusive News
Sunday, 6 Dec, 2020
नम्रतालाई मिस नेपाल वल्र्ड २०२० को उपाधि
मिस नेपाल २०२० को उपाधि नम्रता श्रेष्ठले जितेकी छन् । शनिबार राती सम्पन्न ग्रान्ड फिनालेमा २० प्रतिस्पर्धीलाई पछि पार्दै श्रेष्ठले मिस नेपालको २६ औं संस्करणमा उपाधि हात पारेकी हुन् ।
उनलाई मिस नेपाल वल्र्ड २०१९ की अनुष्का श्रेष्ठले ताज पहिराएकी हुन् ।
नम्रताले त्रैमासिक भत्ता र पुरस्कारको रुपमा २ लाख ५० हजार पाउनेछिन् । नम्रताले मिस वल्र्ड २०२१ मा नेपालको प्रतिनिधित्व गर्नेछिन् । यसैगरी मिस नेपाल सुप्रानेसनल २०२० को उपाधि सिमल कनौजियाले पाएकी छन् भने मिस नेपाल इन्टरनेसनल २०२० को ताज सन्ध्या शर्माले पहिरिहेकी छन् ।
मिस नेपाल अर्थ २०२० को उपाधि सुप्रिया श्रेष्ठले पाएकी छन् । यस वर्ष देशभरका १ सय ५० युवतीहरू प्रतियोगिताका लागि प्रत्यक्ष सहभागी भएका थिए । जसमध्ये १८ देखि २६ उमेर समूहका २१ जना अन्तिम प्रतिस्पर्धाका लागि चयन भएका थिए ।
