Breaking News
Sunday, 26 Feb, 2017
राष्ट्रपति रनिङ सिल्ड प्रतियोगिता सुरु
बाजुरा, १५ फागुन । नवौँ राष्ट्रपति रनिङ प्रतियोगिता आजदेखि सुरु भएको छ ।
प्रतियोगिताको उद्घाटन नेकपा (एमाले) वैकल्पिक केन्द्रीय सदस्य तथा पूर्वउद्योगमन्त्री कर्णबहादुर थापाले गर्नुभएको हो । जिल्ला खेलकुद विकास समिति कार्यालय बाजुराको आयोजनामा भएको उक्त प्रतियोगिता जिल्लाको आटिचौर गाविसको दशरथ माविको खेलमैदानमा सञ्चालन गरिएको छ । प्रतियोगितामा जिल्लाका ६४ विद्यालयमध्ये २६ वटा मात्र सहभागी भएको जिल्ला खेलकुद विकास समितिका उपाध्यक्ष हिरेन्द्र रोकायाले बताउनुभयोे ।
प्रतियोगितामा १५ खेल खेलाइने छ । प्रतियोगिता यही फागुन १८ गतेसम्म सञ्चालन गरिनेछ । जिल्लाको नमुनाका रुपमा रहेको खेलमैदान जिल्लाका संसद् विकास कोष र निर्वाचन क्षेत्र विकास कोषको लगानीमा निर्माण गरिएको हो ।
