निक्षेप तान्न बैंकहरुबीच प्रतिस्पर्धा
६ पुस, काठमाडौ । बुधवार काठमाडौंबाट प्रकाशित दैनिक पत्रिकाको अर्थपृष्ठमा निक्षेप तान्न बैकहरुबीच प्रतिस्पर्धा भन्ने समाचारले स्थान पाएको छ ।
आजको कारोबार दैनिकले नगरपालिकालाई वाषिर्क सवा खर्ब रुपैयाँ अपुगलाई मुख्य समाचार बनाएको छ भने सरकारसंगै फेरिने विदेश नीतिले विदेशी लगानी प्रभावित भन्ने समाचारलाई एंकर बनाएको छ ।
आर्थिक अभियान दैनिकले आर्थिक र नीितीत रुपमा नेपालमा लगानीका लागि विदेशीलाई समस्या भन्ने समाचारलाई मुख्य समाचार बनाएको छ । स्मोकिङ पाइपको अपत्यारिलो काराेबारलाई पनि अभियानले उल्लेख गरेको छ ।
अन्नपूर्ण पोष्टले एडभेन्चर राइडिङलाई मुख्य समाचार बनाएको छ । सहकारीबाट ३३ सय महिला आत्मनिर्भर भनेर अर्को समाचार लेखेको छ । आजको राजधानी दैनिकले इन्धन भण्डारण क्षमता विस्तार कार्यले अझै गति लिएन भन्ने समाचारलाई मुख्य समाचार बनाएको छ ।
नयाँ पत्रिका दैनिकले ऋण दिन पैसा छैन बैंकसंग भन्ने समाचारलाई मुख्य समाचार बनाएको छ । भूकम्पप्रभावित ३१ गाविसमा उच्च खाद्य असुरक्षा भन्ने समाचारलाई पनि स्थान दिएको छ ।
