Breaking News
Tuesday, 6 Sep, 2016
चोटका कारण मैदानबाहिर रहेका रोनाल्डो रियलको नियमित प्रशिक्षणमा फर्किए
चोटका कारण लामो समयदेखि मैदानबाहिर रहेका पोर्चुगली स्टार क्रिस्टियानो रोनाल्डो नियमित अभ्यासमा फर्केका छन्। सोमबार रोनाल्डो आफू आवद्ध क्लब रियल मड्रिड टिमको नियमित प्रशिक्षणमा देखिए र यसरी फर्किंदा उनले खुसी पनि व्यक्त गरेका छन्।
‘टिमसँग नियमित प्रशिक्षणमा फर्किँदा म धेरै नै खुसी छु,’ रोनाल्डोले भनेका छन्। युरो कपको फाइनल खेलमा जर्मनीसँगको प्रतिस्पर्धामा रोनाल्डो चोटका कारण घाइते भई मैदानबाहिर निस्केका थिए। त्यसयता उनी उपचारमा थिए।
विश्वकपको छनोट चलिरहँदा रोनाल्डोको आगमनले उनका समर्थक र पोर्चुगललाई सुखद सन्देश पनि दिएको छ। रोनाल्डोले क्लबको नियमित प्रशिक्षणमा सहभागी भएको तस्बिर पनि सार्वजनिक भएको छ। प्रशिक्षणमा उनले गरेको मिहेनतले उनी निकट भविष्यमै क्लब मैदानमा देखिने संकेत मिलेको छ। from news 24
