खेलकुद
Thursday, 20 Oct, 2022
दसौं राष्ट्रिय खेलकुद कर्णालीमा हुने
दुई वर्षपछि हुने दसौं संस्करणको राष्ट्रिय खेलकुद कर्णालीमा आयोजना हुने भएको हो।
काठमाडौं– कर्णालीमा पहिलो पटक दसौं राष्ट्रिय खेलकुद हुने भएको छ । दुई वर्षपछि हुने दसौं संस्करणको राष्ट्रिय खेलकुद कर्णालीमा आयोजना हुने भएको हो ।बुधबार पोखरामा बसेको राष्ट्रिय खेलकुद परिषदेको बोर्ड बैठकले २०८१ मा कर्णालीमा राष्ट्रिय खेलकुद आयोजना गर्ने निर्णय गरेको हो । तर कुन महिनामा गर्ने भन्नेमा टुंगो लागेको छैन ।
बैठकमा एघारौं राष्ट्रिय खेलकुद मधेस प्रदेशमा आयोजना गर्ने प्रस्ताव आएको एक बोर्ड सदस्यले बताए । मधेस प्रदेशसँगै सुदूरपश्चिम, बागमती प्रदेशले पनि एघारौं आयोजना गर्न दाबी गरेका छन् ।
बिहीबार पोखरा रंगशालामा नवौं राष्ट्रिय खेलकुदको समापन हुँदै छ । समापनमा कर्णाली प्रदेशलाई दसौं राष्ट्रिय खेलकुदका लागि झन्डा हस्तान्तरण गरिनेछ ।
