नवौं राष्ट्रिय खेलकुदमा नेपाली सेना ८६ पदकसहित शीर्ष स्थानमा
हालसम्म आर्मीले ३८ स्वर्ण, २७ रजत र २१ कास्यपदक सहित कुल ८६ पदक जितेर शीर्ष स्थान बनाएको हो
काठमाडौं– गण्डकी प्रदेशको पोखरामा जारी नवौं संस्करणको राष्ट्रिय खेलकुदअन्तर्गत हालसम्म विभागीय टोली नेपाल आर्मी ८६ पदकसहित शीर्ष स्थानमा रहेको छ ।हालसम्म आर्मीले ३८ स्वर्ण, २७ रजत र २१ कास्यपदक सहित कुल ८६ पदक जितेर शीर्ष स्थान बनाएको हो ।
यस्तै, अर्को विभागीय टोली नेपाल एपिएफ क्लब १२ स्वर्ण १६ रजत र २२ कास्यसहित कुल ५० पदक जितेर दोस्रो स्थानमा छ ।अर्को विभागीय टोली नेपाल पुलिस क्लब ११ स्वर्ण, ७ रजत र १७ कास्य गरी कूल ३५ पदकसहित तेस्रो स्थानमा छ ।चौथो स्थानमा रहेको बागमती प्रदेशले १० स्वर्ण, १६ रजत र १० कास्यसहित ३६ पदक जितेको छ ।
घरेलु टोली गण्डकी प्रदेशले ८ स्वर्ण, ५ रजत र १५ कास्य गरी कूल २८ पदक जितेर पाँचौ स्थानमा रहेको छ ।गैरआवासीय नेपाली संघ (एनआरएनए) ४ स्वर्ण, ३ रजत र ४ कास्यसहित कूल ११ पदक जितेर छैटौं स्थानमा रहँदा मधेस प्रदशेले २ स्वर्ण, २ रजत र ४ कास्यसहित कुल ८ पदक जितेको छ ।
आठौं स्थानमा रहेको प्रदेश १ ले १ स्वर्ण, ४ रजत र १३ कास्य गरी १८ पदक जितेको छ । सुदूरपश्चिम प्रदेशले समान १ स्वर्ण र १ रजत र ८ कास्य गरी कुल १० पदक जितेर नवौं स्थानमा छ ।
लुम्बिनी प्रदेश र कर्णाली प्रदेशले स्वर्ण पदक जित्न सकेका छैनन् । लुम्बिनी प्रदेशले ६ रजत र ४ कास्य गरी कूल १० पदक जित्दा कर्णाली प्रदेश १ कास्य मात्रै हात पारेको छ ।
