खेलकुद
Tuesday, 27 Sep, 2022
राष्ट्रपति भण्डारीबाट नवौं राष्ट्रिय खेलकुद प्रतियोगिता उद्घाटन हुने
आगामी २८ असोजदेखि सुरु हुने राष्ट्रिय खेलकुद उद्घाटन राष्ट्रपति भण्डारीले तथा समापन प्रधानमन्त्री शेरबहादुर देउवाले गर्ने भएका हुन्।
काठमाडौं– गण्डकी प्रदेशको पोखरामा हुने नवौं राष्ट्रिय खेलकुद प्रतियोगिताको उद्घाटन राष्ट्रपति विद्यादेवी भण्डारीले गर्ने भएकी छन् ।
आगामी २८ असोजदेखि सुरु हुने राष्ट्रिय खेलकुद उद्घाटन राष्ट्रपति भण्डारीले तथा समापन प्रधानमन्त्री शेरबहादुर देउवाले गर्ने भएका हुन् ।
नवौं खेल प्रतियोगिता समापन ३ कात्तिकमा पोखरा रंगशालामा हुनेछ । प्रतियोगिता सञ्चालनका लागि प्रत्येक खेल संघले एकमुष्ट २ लाख रुपैयाँ पाउनेछन् ।
राष्ट्रिय खेलकुदमा प्रत्येक खेल संघबाट ३ जना प्रतिनिधि सहभागी हुन पाउनेछन् । नवौं राष्ट्रिय खेलकुद प्रतियोगिताका लागि सात प्रदेश, ३ विभाग र एक एनआरएनए टोलीले ३८ खेलमा स्पर्धा गर्नेछन्।
