खेलकुद
Monday, 26 Sep, 2022
दक्षिण एसियाली महिला बास्केटबल प्रतियोगितामा नेपाल पराजित
आयोजक मालदिभ्सले पहिलो खेलमा नेपाललाई ५१–४७ ले हराएको हो।
काठमाडौं– मालदिभ्समा जारी दोस्रो संस्करणको दक्षिण एसियाली महिला बास्केटबल प्रतियोगिता (साबा) वुमन्स बास्केटबल प्रतियोगितामा नेपाल पहिलो खेलमै पराजित भएको छ । आयोजक मालदिभ्सले पहिलो खेलमा नेपाललाई ५१–४७ ले हराएको हो ।
चार टोलीले सहभागिता जनाएको प्रतियोगितामा नेपालले दोस्रो खेल २७ सेप्टेम्बरमा बलियो टिम श्रीलंकाविरुद्ध खेल्नेछ । पहिलो संस्करणमा स्वर्ण पदकका लागि श्रीलंका र नेपालले स्पर्धा गरेका थिए । तर श्रीलंकासँग पराजित हुँदै नेपाल रजतमा समेटिएको थियो ।
यस पटक नेपाल श्रीलंकाविरुद्ध अघिल्लो संस्करणमा बेहोरेको हारको बदला लिने लक्ष्यमा छ । त्यस्तै, समूह चरणको अन्तिम खेलमा नेपालले सेप्टेम्बर २८ मा भुटानविरुद्ध खेल्नेछ। मालदिभ्सजस्तै भुटान पनि नेपालभन्दा कमजोर टिम हो ।
