खेलकुद
Wednesday, 14 Feb, 2018
नेपाल र क्यानडाबीचको खेल सुरु, क्यानडाको राम्रो सुरुवात
नामिबिया– नामिबियामा जारी आइसीसी विश्व क्रिकेट लिग डिभिजन २ को पाँचौ तथा अन्तिम खेलमा नेपाल र क्यानाडबीचको खेल जारी छ।
टस हारेर ब्याटिङको निम्ता पाएको क्यानडाले राम्रो सुरुवात गरेको छ। क्यानडाले अहिले ५ ओभरको समाप्तीमा २४ रन बनाएको छ।
चार खेलबाट ६ अंक जोडेको नेपाल कमजोर रनरेटका कारण तेस्रो स्थानमा झरेको छ । समूहचरणको अन्तिम खेलमा नेपालले क्यानाडाविरुद्ध खेल्दा नामिबियाले चौथो स्थानको युनाइटेड अरब इमिरेट्स (युएई)सँग प्रतिस्पर्धा गर्नेछ।
नेपाल क्यानाडासँग पराजित भए शीर्ष दुईमा रहेर जिम्बाब्वेमा हुने विश्वकप छनोट प्रतियोगिता खेल्ने सम्भावना समाप्त हुनेछ । जुन टोलीले जित्छ त्यही टोली शीर्ष दुईमा हुने भएकाले नेपालजस्तै क्यानाडा पनि जित्नै पर्ने दबाब हुनेछ।
नागरिक बाट साभार
