दिदीबहिनीको जित
मंसिर १, २०७४-जुम्ल्याहा राणा दिदीबहिनी मायांका र माहिकासहित आर्मीकी अभिलाषा विष्ट बिहीबार १४ औं राष्ट्रिय लनटेनिस प्रतियोगिताको महिला सिंगलमा दोहोरा जित भएका छन् ।
सातदोबाटोस्थित टेनिस कोर्टमा पुलिसकी मायांकाले पश्चिमाञ्चलकी गंगा शर्मालाई ६–२, ६–२ र एपीएफकी एनी माथेमालाई ६–१, ६–४ को सोझो सेटमा हराइन् ।
माहिकाले एपीएफकी इन्द्रकला श्रेष्ठ र आर्मीकी इरा रावतलाई समान ६–०, ६–० को सोझो सेटमा हराइन् । अभिलाषाले इरालाई ६–४, ६–३ र एपीएफकी भगवती बिकलाई ६–२, ६–० को सेटमा हराइन् ।
महिला सिंगलमै एपीएफका खेलाडीहरू एनीले आफ्नै टिमकी विजिशा श्रेष्ठलाई ६–३, ६–०, भगवतीले क्याथ्रिन माथेमालाई ७–५, ७–५, विजिशाले मध्यमाञ्चलकी स्नेहा यादवलाई ६–१, ६–२ र क्याथ्रिनले इन्द्रकलालाई ६–०, ६–१ ले हराए ।
यस इभेन्टमा ११ खेलाडी सहभागी छन् । उनीहरूले दुई समूहमा रहेर राउन्ड रोबिन लिग खेल्ने छन् । त्यसपछि वरीयता निर्धारण गरिने टेनिस संघले जनाएको छ ।
पुरुष सिंगलमा एपीएफका श्रीराम मगरले मध्यमाञ्चलका निशान श्रेष्ठलाई ६–२, ६–४ ले हराए । तर श्रीराम मध्यमाञ्चलका राजेश क्षेत्रीसँग ५–७, ७–५, ७–५ ले पराजित भए । आर्मीका संरक्षकभूषण वज्राचार्यले पुलिसका महेश श्रेष्ठलाई ६–२, ६–२ र पश्चिमाञ्चलका अभिषेक बाँस्तोलालाई ४–६, ६–३, ६–४ ले हराएका थिए ।
पुलिसका कमलबहादुर भण्डारीले आर्मीका अभिनव आचार्यलाई ६–०, ६–१, पश्चिमाञ्चलका अभिषेक बाँस्तोलाले सुदूरपश्चिमका गौरवप्रताप शाहीलाई ६–०, ६–२ ले हराए ।
त्यस्तै पुलिसका दावा शेर्पाले आर्मीका सम्यकभूषण वज्राचार्यलाई ६–२, ६–०, एपीएफका सन्तोष खत्रीले आफ्नै टिमका आत्माराम कार्कीलाई ६–३, ७–५, आर्मीका प्रणव खनालले मध्यमाञ्चलका गौरीशंकर श्रेष्ठलाई ६–०, ६–०, अभिनवले मध्यमाञ्चलका निशानलाई ६–१, ३–६, ७–६, पुलिसका महेशले सुदूरपश्चिमका गौरवलाई ७–६, ६–४ ले हराए । एपीएफका सन्तोषले पुलिसका दावालाई ६–४, ७–६, आर्मीका सम्यकले एपीएफका आत्मारामलाई ६–३, ६–२, पश्चिमाञ्चलका प्रदीप खड्काले मध्यमाञ्चलका शिवराराम मगरलाई ६–२, ६–४ तथा मध्यमाञ्चलका गौरीले आफ्नै टिमका राजेशलाई ६–१, ६–१ को सेटमा हराए ।
पुरुष सिंगलमा सहभागी १७ खेलाडीले चार समूहमा रहेर प्रतिस्पर्धा गरिरहेका छन् ।
