आजको पत्रपत्रीकाबाट
Wednesday, 8 Jun, 2016
मौलायो ‘भाते संस्कृति’
काठमाडौं, २६ जेठ चामल खपत बढ्दै गर्दा नेपाललगायत विश्वका विभिन्न मुलुकमा ‘भाते संस्कृति’ मौलाउँदो गएको एक अध्ययन प्रतिवेदनले देखाएको छ । संयुक्त राष्ट्र संघ खाद्य तथा कृषि संगठन (एफएओ)ले सार्वजनिक गरेको ‘फुड आउटलुक २०१६’ ले विश्वमा चामलको उपभोग बढ्दै जाँदा मौज्दात घट्दै गरेको निष्कर्ष निकालेको छ । आर्थिक वर्ष ०१५/०१६ मा विश्वभर कुल २ अर्ब ५२ करोड ७७ लाख टन खाद्यान्न उत्पादन भएको संशोधित अनुमान छ । त्यस्तै, गत वर्ष २ अर्ब ५२ करोड २९ लाख टन उपभोग भएको तथ्यांक छ । तर, चामलको उपभोग भने बर्सेनि बढ्दो छ । गत वर्ष विश्वभर ४९ करोड १ लाख टन चामल उत्पादन भएकोमा ४९ करोड ६४ लाख टन उपभोग भएको देखिन्छ । तथ्यांकअनुसार गत वर्ष विश्वभर उत्पादन र उपभोगबीच अन्तर रहेको ६३ लाख टनको पूर्ति भने मौज्दात चामलबाट भएको हो । आज को कारोबार दैनिक मा खबर छ
