लुम्बिनी सरकारले मनाउँदै स्थापना दिवस

काठमाडौं– लुम्बिनी प्रदेशले आज स्थापना दिवस मनाइरहेको छ। स्थापना दिवस अवसरमा प्रदेशभर सार्वजनिक बिदा दिइएको छ।
लुम्बिनी प्रदेशसभाको पहिलो बैठक बसेको माघ २१ लाई प्रदेश स्थापना दिवस मनाउने निर्णय गरिएको थियो।
दिवस अवसरमा विभिन्न औपचारिक कार्यक्रम आयोजना गरिएको छ। सदरमुकाम घोराहीमा आयोजित विभिन्न कार्यक्रममा मुख्यमन्त्री डिल्लीबहादुर चौधरीगायतले सम्बोधन गर्नेछन्।
कार्यक्रममा विभिन्न क्षेत्रमा योगदान पु¥याउने व्यक्तिलाई सम्मान गरिने सरकारले जनाएको छ।
मुख्यमन्त्री चौधरीले संघीयताको मर्म, भावना र उद्देश्यलाई परिपूर्ति गर्न दिवसले प्रेरणा प्रदान गर्ने विश्वास व्यक्त गरेका छन्।
सभामुख तुलाराम घर्ती मगरले शुभकामना व्यक्त गर्दै प्रदेशप्रति जनताको आशा र भरोसा बचाउन संघीयताको मूल मर्म बुझ्नुपर्ने बताएका छन्। जनमुखी, जनउत्तरदायी भई काम गर्नुपर्ने आवश्यकता औंल्याउँदै उनले शून्य संरचनाबाट सुरु भएको लुम्बिनी प्रदेशसभा र सरकारले तीव्र गतिका साथ काम थालेको उनको भनाइ छ।
उनले स्थायी राजधानी राप्ती उपत्यका देउखुरी प्रारम्भ गर्नु पनि उपलब्धिको विषय भएको बताए।