प्रमुख समाचार
Thursday, 28 Dec, 2023
पाँच निर्माण कम्पनी कालोसूचीमा
काठमाडौं– सार्वजनिक खरिद अनुगमन कार्यालयले पाँच निर्माण कम्पनीलाई कालोसूचीमा राखेको छ। कालोसूचीमा राखिएका ५ मध्ये एउटा कम्पनी भारतीय हो।
विभिन्न आयोजनाको ठेक्का लिएर काम नगर्ने निर्माण कम्पनीलाई कार्यालयले दुईदेखि तीन वर्षसम्मका लागि कालोसूचीमा राखेको हो।
कालो सूचीमा राखिएका कम्पनीमा भारत पश्चिम बंगालको एमपी सितानी एन्ड सन्स, सुर्खेतको एमपी÷एससीएफ÷ईसीसी जेभी, सुर्खेतकै सूर्य कन्स्ट्रक्सन फर्म प्रालि, काठमाडौं सुकेधारास्थित एलिट कन्स्ट्रक्सन र मोरङको विराटनगरस्थित भूमि इन्फ्रास्ट्रक्चर प्रालि रहेका छन्।
कालोसूचीमा राखिएका निर्माण कम्पनीले विभिन्न आयोजनाको ठेक्का लिएर पटक–पटक म्याद थप हुँदासमेत काम नगरेपछि कार्यालयले कालोसूचीमा राखेको हो।
