सभामुखकाे पहलमा भएकाे सर्वदलीय बैठक बिना निष्कर्ष टुंगियाे
पुस ११, २०७३- व्यवस्थापिका संसदमा जारी अवरोध खोल्ने प्रयासस्वरुप सभामुख ओनसरी घर्तीले आव्हान गरेकाे ७ पार्टीको सर्वदलीय बैठक बिना निष्कर्ष टुंगिएकाे छ । नयाँ बानेश्वरस्थित संसद भवनमा भएको बैठकमा शीर्ष नेताहरुबीच सहमतिकाे प्रयास सफल हुन सकेन ।
प्रमुख तीन दलका शीर्ष नेताहरूको बैठकमार्फत समस्या समाधानका लागि गरेको प्रयास असफल भएपछि सभामुख घर्तीले सदनमा दस सिटभन्दा बढी ‘स्ट्रेन्थ’ भएका दलहरूको बैठक डाकेकी हुन् ।
सदनको गतिरोध अन्त्यका लागि दलहरूलाई जिम्मेवार बनाउन सर्वदलीय बैठक डाकिएको हो ।
दलहरुबीच बढेको दूरी कम गरी सहमति गराउने प्रयासस्वरुप सभामुख घर्तीले छलफलका लागि नयाँ बानेश्वरस्थित संसद भवनमा प्रमुख ७ दलका शीर्ष नेताहरुलाई बैठकमा डाकेकी हुन् ।
सभामुख घर्तीले नेपाली कांग्रेस, नेकपा एमाले, माओवादी, राप्रपा, संघीय समाजवादी फोरम, फोरम लोकतान्त्रिक र तराई मधेस लोकतान्त्रिक पार्टीका नेताहरुलाई बैठकमा बोलाएकी हुन् । साभार इकान्तिपुर बाट ।
